په ننګرهار ولایت کې د جګړې ضد او سولې فعالان او د سولې لپاره د ځوانانو د اړیکو ګروپ، په هېواد کې د جګړې د پایته رسیدو او د ښکیلو خواوو ترمنځ د اوربند غوښتنه کوي او زیاتوي، چې د افغانانو ترمنځ د سولې خبرې ژر تر ژره پیل او د سولې رامنځته شوی فرصت له لاسه لاړ نشي.

همدارنګه په ننګرهار ولایت کې د سولې لپاره د ځوانانو د اړیکو د ګروپ غړي او د جګړې ضد او سولې فعالان ټینګار کوي، چې د جګړې ښکیلو اړخونو ترمنځ د باور فضا رامنځته کیدو لپاره باید هڅې وشي او د هوکړې پر بنسټ د دواړو اړخونو زندانیان خوشې شي.

په ورته حال کې دا فعالان غواړي، څو د هېواد ملي مصالحې شورا مشرتابه کې د ځوانانو او نوي نسل رول ته جدي پاملرنه وشي.

په درنښت

د جګړې ضد او سولې فعالان

د سولې لپاره د ځوانانو د اړیکو ګروپ

د ۱۳۹۹ د غبرګولي ۱۴ / د ۲۰۲۰ د جون ۳