سولې لپاره د ځوانانو د اړیکو ګروپ ولایتي مسوولین او د ځوانانو او نوي نسل یو شمېر استازو په ننګرهار ولایت کې د یوې غونډې پر مهال، یو ځل بیا د اوربند او د افغانستان د دولت د استازو په ګډون ( هر اړخیز او د مهمو سیاسي اړخونو، ځوانانو او ښځو سره د سلا مشورو وروسته پلاوی رامنځته شي) د امریکا متحده ایالتونو او طالبانو ترمنځ د سولې رسمي خبرو بیا ځلې پیلیدو غوښتنه وکړه. په دې غونډه کې، چې د جلال آباد ښار او د ننګرهار ولایت یو شمېر ولسوالیو ځوانانو په کې ګډون کړي وو، د سولې له بهیر څخه د څارنې پر څرنګوالي هم خبرې وشوې او ټینګار وشو، چې د سولې په خبرو کې باید د نوي نسل استازي په بې ساري او اغیزناکه ډول ګډون ولري.

په درنښت

د ویاندوی دفتر

د سولې لپاره د ځوانانو د اړیکو ګروپ

د ۱۳۹۸ لمریز کال د لیندۍ ۴ / د ۲۰۱۹ زیږدیز کال د نوامبر ۲۵