مطبوعاتي کنفرانس -بلخ
د سولې په بهیر کې شته
اندیښنې او د مذاکراتو له اړخونو څخه د بلخ ولایت د ځوانانو غوښتنې
د بلخ د نوي نسل او
ځوانانو د سولې جرګې ولایتي سکرتریت د چهارشنبې په ورځ د ۱۴۰۰ لمریز کال د غويي میاشتې په ۱۵ نیټه، چې د ۲۰۲۱ کال د مې له ۵ سره سمون خوري، په بلخ ولایت کې د
ځوانانو، ښځو او مدني فعالانو په ګډون « د سولې په بهیر کې شته اندیښنې او د
مذاکراتو له اړخونو څخه د بلخ ولایت د ځوانانو غوښتنې» تر سرلیک لاندې مطبوعاتي
کنفرانس جوړ کړ.
په پیل کې د بلخ جرګې
د ولایتي سکرتریت بورد رئیسې فروزان آریا د « د مطبوعاتي ناستې او سولې لپاره د
ځوانانو د اړیکو د ګروپ او د نوي نسل او ځوانانو جرګې د موخو» په تړاو معلومات
وړاندې کړل.
په
دې ناسته کې د بلخ ولایتي سکرتریت د رسنیو او ویاندوی کمیټې مسؤل امید بلخي د
افغانستان سولې پر وړاندې د فرصتونو او خنډونو په اړه، د رسنیو کمیټې مرستیال بشیر
بدلون د سولې په بهیر کې د ځوانانو رول په اړه، د بلخ د ولایتي سکرتریت مرستیال
عبدالحمید انصاري د سولې خبرو په برخه کې د شته خنډونو او فرصتونو په اړه، د بلخ
ولایتي سکرتریت مطبوعاتي سلاکار سید اسماعیل صالحي بلخي د سولې او په سترو ملي
پریکړو کې د ځوانانو ونډې په اړه، د بلخ ولایتي سکرتریت د اړیکو کمیټې مسؤل
عبدالهادي بلخوال د سولې مذاکراتو کې د ښکیلو اړخونو څخه د ځوانانو غوښتنو په تړاو
خبرې وکړې او د بلخ ولایتي سکرتریت حقوقي سلاکارې نصیره ثمر د دې مطبوعاتي ناستې
اعلامیه ولوستله.
د سولې خبرو د دریدو او په بلخ او هېواد په کچه د
تاوتریخوالي زیاتیدو په تړاو
د بلخ ولایت د نوي نسل او ځوانانو د سولې جرګې ولایتي
سکرتریت رسنیزه اعلامیه
د بلخ ولایت د نوي نسل او ځوانانو د سولې جرګې ولایتي سکرتریت، چې د ۱۳۹۹
لمریز کال د تلې میاشتې د ۹ نیټې د جرګې پر دوام، د سولې په بهیر کې د نوي نسل او
ځوانانو د همغږي او واحد غږ رامنځته کولو په موخه جوړه شوې وه، د سولې لپاره د
ځوانانو د اړیکو ګروپ په مرسته جوړ شوی دی.
د بلخ ولایت د نوي نسل او ځوانانو د سولې جرګې ولایتي سکرتریت د افغان
حکومت او طالبانو د تحریک ترمنځ د مذاکراتو له دریدو، په هېواد کې د جګړې له
تاودیدو او تاوتریخوالي زیاتیدو په تړاو خپلې اندیښنې څرګندوي:
1. موږ د مذاکراتو له ښکیلو اړخونو غواړو، څو ژر تر ژره تاوتریخوالي دوام ته د
پای ټکی کیږي او پرته له ځنډ څخه د سولې خبرې پیل کړي.
2.
موږ د بلخ ولایت
ځوانان د مذاکراتو له ښکیلو اړخونو غواړو، چې په مذاکراتو کې د ښه نیت اصل رعایت
کړي او د مذاکراتو میز د افغانستان د جګړې ناورین د حل لپاره وروستي حل لارې په
توګه وګڼي.
3. د جګړې له ډګرونو او شخړو زیاتوالي څخه نه باید د خبرو په میز کې د امتیاز
اخیستلو لپاره کار واخیستل شي، ځکه د دې وضعیت دوام د افغانستان د خلکو لپاره د
منلو نه دی.
4.
د بلخ ولایت د نوي نسل
او ځوانانو د سولې جرګې ولایتي سکرتریت د سولې په بهیر کې د بلخ ځوانانو د مشخص
آدرس او د هغوی د عدالت غوښتنې محور په توګه، په ټول هېواد کې له هر ډول قید او
شرط پرته د اوربند د ټینګښت ترڅنګ د مذاکراتو له ښکیلو غاړو غواړو، چې ځوانانو ته
په سترو ملي مسائلو او د سولې بهیر کې ونډه ورکړي او د سولې په بهیر کې د ښځو،
ماشومانو، د جګړې قربانیانو او دیني – مذهبي اقلیتونو حقونه په رسمیت وپیژني.
په درنښت
د اړیکو ګروپ د رسنیو او ویاندوی دفتر
د بلخ ولایت د نوي نسل او ځوانانو د سولې جرګې ولایتي
سکرتریت
مزار
شریف-افغانستان
د
۱۴۰۰ کال د غويي ۱۵ / د ۲۰۲۱ کال د مې ۵
- «
- 1
- 2
- 3
- 4
- 5
- »